«Հայոց ցեղասպանության մասին Գերմանիայի Բունդեսթագի նոր բանաձևում իրականում որևէ առաջընթաց չկա 2005 թ. հետ համեմատած: Հակառակը, սա կարելի է հետքայլ համարել, քանի որ 10 տարի անց որևէ բան չի ավելացել: Ես շատ դժգոհ եմ եղած հայտարարությունից»,- «Առաջին լրատվական»-ի հետ զրույցում ասաց Գերմանիայի Բոխումի համալսարանի սփյուռքի և ցեղասպանության ուսումնասիրության ինստիտուտի հիմնադիր տնօրեն Միհրան Դաբաղը:
Հիշեցնենք նաև, որ Գերմանիայի կանցլեր Անգելա Մերկելը հայտարարել է, որ աջակցում է Հայոց ցեղասպանության վերաբերյալ ցեղասպանություն եզրույթի օգտագործման դիրքորոշմանը: Միևնույն ժամանակ ասել է, թե վախենում է, որ Բեռլինի կողմից այդ եզրույթի օգտագործումը կարող է բացասաբար անդրադառնալ Հայաստանի և Թուրքիայի հաշտեցման գործընթացի վրա: Ցավում եմ, որ տիկին Մերկելի պես մարդու վրա մեծ ազդեցություն է գործել Արտաքին գործերի նախարարության դիրքորոշումը: Բայց վերջին շրջանում Գերմանիայում Հայոց ցեղասպանությունը մասնավոր ուշադրության առարկա է դարձել»,- ասում է Մ.Դաբաղը:
Վերջինիս խոսքերով՝ թե՛ Գերմանիան, թե՛ ողջ աշխարհը գիտի, թե ինչ է պատահել 1915 թ., բայց այն պաշտոնապես չընդունելու միակ պատճառը Թուրքիայի հետ իրենց քաղաքական հարաբերություններն են: