«Ընդդեմ ցեղասպանության հանցագործության» երկօրյա ֆորումի առաջին աշխատանքային օրվա ավարտին ելույթի հնարավորություն տրվեց «Վուդրո Վիլսոնի ժառանգության» հիմնադրամի նախագահ Դոնալդ Վիլսոն Բուշին:
Նա իր ելույթում նշեց, թե երբ հանցագործը չի հայտնվում չեզոք դատարանի առաջ, պատասխան չի տալիս իր արարքի համար, տուժողը կորցնում է հատուցման հասնելու հնարավորությունը, կորցնում է հավատն արդարության նկատմամբ: Նրա խոսքով՝ առանց հատուցում ստանալու, առանց օրինական դատավարության արդարություն հնարավոր չէ, ուստի անհայտ է՝ 1.5 միլիոն հայ զոհերի անունից, նրանց սերունդների անունից ինչպե՞ս կարելի է կերտել հատուցման ուղի՝ չներկայացնելով պահանջ Թուրքիայի կառավարությանը:
Ելույթի վերջում Դոնալդ Վիլսոն Բուշը հայտարարեց. «Ապրիլի 25-ից ես պարտավորվում եմ կյանքս նվիրել Հայոց հարցի համար մղվող պայքարին»: