Դորտմունդի «Բորուսիա»-ի կիսապաշտպան Մարկո Ռոյսը շարունակում է մնալ բազմաթիվ ակումբների ուշադրության կենտրոնում:
Spanish Sport-ի տեղեկությունների համաձայն` Գերմանիայի հավաքականի 25-ամյա ֆուտբոլիստի տրանսֆերի ձեռքբերման պայքարին են միացել Մադրիդի «Ռեալ»-ն ու կատալոնական «Բարսելոնա»-ն:
Նշվում է, որ «արքայական ակումբ»-ի ղեկավարներն արդեն բանակցություններ են սկսել կիսապաշտպանի գործակալի հետ: Ռոյսի ներկայացուցիչը մտադիր է առաջիկա օրերին հանդիպել նաև «կապտանռնագույններ»-ի ղեկավարների հետ:
Հավելենք, որ Ռոյսի ծառայություններով են հետաքրքրված նաև ՊՍԺ-ն, «Բավարիա»-ն, «Արսենալ»-ը, «Մանչեսթեր Սիթի»-ն, «Չելսի»-ն և «Մանչեսթեր Յունայթեդ»-ը:
