Ֆրանսիական ՊՍԺ-ի մինչև 19 տարեկանների թիմում հանդես է գալիս 17-ամյա հայազգի պաշտպան Ալեքսանդր Դեմիրճյանը: Ինչպես արդեն տեղեկացրել ենք, Դեմիրճյանն ընդունել է Հայաստանի Մ-19 հավաքականում հանդես գալու հրավերն ու ընդգրկվել է հայտացուցակում:
Ապրիլի 26-ին և 28-ին Հայաստանի մինչև 19 տարեկանների հավաքականն ընկերական հանդիպումներ կանցկացնի Ուզբեկստանի մինչև 19 տարեկանների հավաքականի հետ: Հանդիպումները տեղի կունենան ՀՖՖ Տեխնիկական կենտրոնում՝ Ֆուտբոլի ակադեմիայում:
Դեմիրճյանը ծնվել է 1997 թվականի դեկտեմբերի 14-ին, Մյոդոն քաղաքում: 6 տարեկանից սկսել է հանդես գալ «Իսի» ակումբում, որից հետո տեղափոխվել է Իսի-լե-Մուլինո քաղաքի «Արարատ» ակումբ:
2012 թվականին սկսել է մարզվել ՊՍԺ-ի մինչև 17 տարեկանների թիմի մարզաբազայում, որից հետո տեղափոխվել մինչ 19 տարեկանների թիմ:
Ֆուտբոլային կուռքը` Հենրիխ Մխիթարյանն է: Հարցազրույցներից մեկում Դեմիրճյանն ավելի վաղ նշել էր, որ ցանկանում է հանդես գալ Հայաստանի ազգային հավաքականի կազմում նույնիսկ այն դեպքում, երբ հրավեր ստանա Ֆրանսիայի ֆուտբոլի ֆեդերացիայից: