Renault ֆրանսիական մեքենաշինական ընկերության փոխնախագահը հրաժարական է տվել զբաղեցրած պաշտոնից: Ինչպես գրում է The Financial Times օրաթերթը, այդ հրաժարականը կապված է ընկերությունում ծագած լրտեսական սկանդալի հետ: Պելատան ընկերության տնօրենների խորհրդին առաջարկել է ընդունել իր հրաժարականն այն բանից հետո, երբ հրապարակվել են հունվարին պաշտոնանակ արված երեք աշխատակիցների գործունեության ստուգման առաջին արդյունքները:
Նրան առաջարկվել է մի քանի ամիս ժամանակավորապես զբաղեցնել այդ պաշտոնը, քանի դեռ չի շտկվել Ճապոնիայի երկրաշարժից հետո ստեղծված ծանր կացությունը: Renault-ից դուրս գալուց հետո նա ղեկավար պաշտոն կզբաղեցնի Renault—Nissan ալյանսում, սակայն չի նշվել, թե կոնկրետ ինչ դիրքում կլինի:
Հիշեցնենք, որ սկանդալը Renault-ում ծագել է այն բանից հետո, երբ պարզվել է, որ թոփ-մենեջերներից երեքը տեղեկություններ են վաճառել օտարերկրյա ընկերություններին` մեծ վնաս հասցնելով Renault-ին: Այս մասին ընկերության ղեկավարությանը հայտնել էր Renault-ի անվտանգության ծառայության աշխատակիցներից մեկը:
Չնայած ավելի ուշ քննության արդյունքում պարզվել էր, որ այդպիսի բան տեղի չի ունեցել, իսկ անվտանգության աշխատակիցն ուղղակի ցանկացել է վարկաբեկել թոփ-մենեջերներին, այդուհանդերձ ընկերության ներքին բարեփոխման խնդիրը մնացել է օրակարգում: