2015թ. 3D տպագրության, նյութերի և համապատասխան ծառայությունների շուկան անցած տարվա ցուցանիշների համեմատ ավելացել է 56%-ով և կազմել 5,2 մլրդ դոլար:
Փորձագետների կանխատեսումներով՝ 2019-ին ոլորտի եկամուտները կհասնեն 20,2 մլրդ դոլարի, հայտնում է telegraf.com.ua-ն:
«Ինչպեսև մենք սպասել ենք, 3D տպագրության շուկան զգալիորեն աճել է վերջին մի քանի տարում»,- հայտարարել է Canalys Research-ի վերլուծաբան Ջո Քեմփթոնը:
Դրական դինամիկային նպաստել է 3D տպագրության արագացումն ու մատակարարների թիվը: Նրանցից շատերը, ինչպես նկատել են դիտորդները, տեղակայված են Ասիայում և կարողացել են մարտահրավեր նետել անգամ ԱՄՆ-ին ու Գերմանիային: