Երեկ Բեքհեմների ընտանիքում մեծ տոն էր՝ Վիկտորյան դարձավ 41 տարեկան: Ի պատիվ այդ իրադարձության՝ Դևիդ Բեքհեմը որոշել է ներկայացնել կնոջ էքսկլյուզիվ լուսանկարը:
Ֆուտբոլիստը լուսանկարը հրապարակել է Facebook-ի իր էջում՝ կարճ գրելով. «Ծնունդդ շնորհավոր, տիկինս»:
Երջանիկ ամուսինները լուսանկարվել են մազերի նույն գույնով, իսկ նրանց զգացմունքները ոչ մի կասկած չեն առաջացնում:
Շնորհավորանքներին միացել է նաև Եվա Լոնգորիան, ով իր Instagram-ում Վիկտորյայի հետ համատեղ լուսանկար է հրապարակել: «Շնորհավոր, Վիկտորյա: Դու գեղեցիկ ես ինչպես արտաքուստ, այնպես էլ ներքուստ: Վիկտորյա Բեքհեմ, ես սիրում եմ քեզ»,- գրել է նա:
Բեքհեմների ընտանիքի ավագ որդի Բրուքլինը նույնպես զերծ չի մնացել և բավականին զավեշտալի տեսանյութ է հրապարակել Instagram-ի իր միկրոբլոգում: Մոր ծննդյան օրը նրա էջին բաժանորդագրվածների թիվը հասել է 1 մլն-ի, և նա որոշել է շնորհակալություն հայտնել: Սակայն Դևիդ Բեքհեմը հանկարծ հայտնվել է որդու կողքին և հայտարարել, որ նրա բլոգը կարդում է ընդամենը 50 մարդ:
Վիկտորյան անձամբ երկրպագուների հետ կիսվել է իր երեխաների օրիգինալ նվերով: Նրա համար հատուկ «Օսկար» է պատրաստվել՝ որպես «Աշխարհի լավագույն մայրիկ»:
