Մյունխենի «Բավարիա»-ի գլխավոր մարզիչ Խոսեպ Գվարդիոլան մեկնաբանել է Գերմանիայի առաջնության 29-րդ տուրի շրջանակներում կայացած «Հոֆենհայմ»-ի դեմ հանդիպմանն իր սաների ցուցադրած խաղը: Մյունխենյան ակումբը 2:0 հաշվով հաղթանակ է տարել արտագնա խաղում:
«Առաջին խաղակեսում մենք շատ լավ էինք խաղում, վերահսկում խաղի ընթացքը: Երկրորդ խաղակեսում ավելի դժվար էր, տղները հոգնած էին երևում: Ես հպարտանում եմ իմ սաներով: Այժմ մեզ բարդ հանդիպում է սպասվում Չեմպիոնների լիգայի գավաթի խաղարկության շրջանակներում: Դժվար կլինի, բայց հաղթանակը մեր թիվ մեկ նպատակն է»,- Bild-ը մեջբերում է Գվարդիոլայի խոսքերը:
Հիշեցնենք` Չեմպիոնների լիգայի գավաթի խաղարկության քառորդ եզրափակչի «Պորտու»-ի դեմ առաջին հանդիպմանը «Բավարիա»-ն պարտվել է 1:3 հաշվով: Պատասխան հանդիպումը կկայանա ապրիլի 21-ին Մյունխենում: