Գերմանիայի մայրաքաղաք Բեռլինում ավելի քան 4 հազար մարդ է մասնակցել ԵՄ-ի, ԱՄՆ-ի և Կանադայի, ինչպես նաև մի շարք այլ պետությունների հետ ազատ առևտրի մասին պայմանագրի ստորագրմանը դեմ բողոքի ակցիային: Այս մասին գրում է RIA Novosti-ն:
Ակցիան տեղի է ունեցել այն փողոցներում, որտեղ գտնվում են ԱՄՆ-ի և Կանադայի դեսպանատները:
Ցուցարարներն ունեին «Կորչի՛ տնտեսական ՆԱՏՕ-ն», «Դադարեցրե՛ք TTIP-CETA-ն», «Ո՛չ ԳՄՕ ցորենին», «TTIP-ի դեմ` հանուն ժողովրդավարության և քաղաքացիական իրավունքների»: Նրանք Գերմանիայում ԵՄ ներկայացուցչության հայտարարությունը հաղորդում են շղթայով, որտեղ ակցիայի մասնակիցները դնում են իրենց ստորագրությունները: Հայտարարությունում նշվում է, որ այդ համաձայնագրի այլընտրանքը պետք է գտնել:
Շաբաթ օրը բողոքի ակցիաներ են տեղի ունեցել Գերմանիայի 200 քաղաքներում և համայնքներում: Դրանց մասնակցում են նաև Գերմանիայի ընդդիմադիր կուսակցությունները:
Համաձայնագրի նկատմամբ գերմանացիների հավակնությունները վերաբերում են սոցիալական, իրավական և բնապահպանական ոլորտի ձևաչափերի մակարդակի նվազեցմանը, որոնք նախատեսված են փաստաթղթում` ամերիկյան ապրանքների` եվրոպական շուկայում հասանելիությունը հեշտացնելու համար: