Armtimes.com-ի փոխանցմամբ՝ երեկ Բարձրաստիճան պաշտոնատար անձանց էթիկայի հանձնաժողովը հրապարակել է Կոտայքի նորանշանակ մարզպետ Կարապետ Գուլոյանի եւ նրա կնոջ հարուստ հայտարարագրերը:
Ըստ մարզպետի պաշտոնը ստանձնելու հայտարարագրի, Կարապետ Գուլոյանն ունի մեկ առանձնատուն եւ մեկ բնակարան, ինչպես նաեւ 81 հազար 500 ԱՄՆ դոլարի եւ 1,3 միլիարդ դրամի չափով դրամական միջոցներ, ինչը հավասար է մոտավորապես 2,9 միլիոն դոլարի: Ըստ 2014 թվականի տարեկան հայտարարագրի, իր նախկին՝ Աբովյանի քաղաքապետի պաշտոնում Գուլոյանի տարեկան աշխատավարձը կազմել է ընդամենը 2,6 միլիոն դրամ:
Նույն ժամանակահատվածի համար Գուլոյանի կինը՝ Ռոզա Գագիկի Ծառուկյանը, հայտարարագրել է 17 միլիոն դրամ եւ 44 հազար դոլար դրամական միջոցներ: Նա տարվա ընթացքում որեւէ եկամուտ չի ունեցել:
Կարապետ Գուլոյանը Վիքիպեդիա հանրագիտարանում ներկայացված է որպես պետական եւ քաղաքական գործիչ, թեեւ աներոջ՝ Գագիկ Ծառուկյանի՝ քաղաքականությունից դուրս գալուց հետո նույնպես հայտարարել էր, որ այլեւս չի զբաղվում քաղաքականությամբ:
Մանրամասները՝ սկզբնաղբյուր կայքում