ԱՄՆ նախագահ Բարաք Օբաման կլիմայի փոփոխությունն անվանել է մարդկությանն ուղղված ամենալուրջ սպառնալիքը, որը հնարավոր չէ հերքել կամ անտեսել: Այս մասին գրում է BBC-ն:
Օբամայի խոսքերով` ինքը ցանկանում է մի օր նայել երեխաների և թոռների աչքերին ու ասել, որ բնապահպանական ճգնաժամից դուրս գալու համար արել է ամեն հնարավոր բան:
Չսպասելով դեկտեմբերին կայանլիք ՄԱԿ-ի` կլիմիայի փոփոխության հարցերով գագաթնաժողովին` Օբաման խոստացել է կտրուկ նվազեցնել ԱՄՆ-ի ջերմոցային արտանետումները, որոնց ծավալով ամբողջ աշխարհում Չինաստանից հետո երկրորդն են:
Այնուամենայնիվ Հանրապետական կուսակցությունը բողոքարկում է Օբամայի այս նախագծի իրականացման դեմ` համարելով, որ բնապահապանության բարելավմանն ուղղված միջոցառումները կհարվածեն գործարարներին:
