Ջարեդ Լետոն շարունակում է հետաքրքրել իր երկրպագուներին, ովքեր անհանգստությամբ սպասում են երաժշտի ու դերասանի նոր լուսանկարներին կոմիկների համաշխարհային համբավ ունեցող չարագործ Ջոկերի կերպարով:
Օրեր առաջ Լետոն իր երկրպագուների հետ լուսանկարներով լիսվել է Snapchat-ում, որտեղ ակնհայտ երևում են կանաչ մազերն ու կարմիր շուրթերը: Ինչպես հայտնի է, դա հանդիսանում է նրա կերպարի անբաժան մասնիկը:
Նշենք, որ անցած շաբաթ «Ինքնասպանների ստորաբաժանում» ֆիլմի ռեժիսոր Դևիդ Էյրը Twitter-ում հրապարակել է Ջարեդի առաջին լուսանկարը, ով նման կերպարում է: Դրանով նա կարծես ակնարկել է, որ շուտով սկսվելու են նոր ֆիլմի նկարահանումները:
Ընդհանուր առմամբ ֆիլմն աստղային դերակատարներ ունի, ինչպիսին Մարգո Ռոբբին է, Սքոթ Իսթվուդը, Ջայ Քորթնին, Կարա Դելվինը, Ուիլլ Սմիթը, Յուել Քիննամանը, Ջեսսի Այզենբերգը և Վիոլա Դևիսը: