Այսօր «Հրազդան» տոնավաճառ են այցելել հարկայինի ներկայացուցիչները և տաղավարից տաղավար անցնելով՝ հետաքրքրվել առևտրականների գործով ու հետագա անելիքներով, մի քանի առևտրականների հրավիրել են նաև հարկայինի քննչական ծառայություն:
«Հարցեր էին տալիս, թե տեղի փողը ինչքան է, տեղի փողը ինչքան է դարձել, չեկեր տալիս են ու այդպիսի հարցեր, վերջում հարցնում էին՝ Աբովյան գնում եք, թե չէ, որ գնաք Աբովյան՝ ավելի լավ չի՞ լինի, զարմանալի է՝ ինչու են այդպիսի հարց տալիս»,- մեզ պամեցին հարկային հրավիրված առևտրականները՝ պնդելով, որ իրենք օրենքի շրջանակում են աշխատում: Առևտրականների համար զարմանալի է, թե ինչո՞ւ են հարկայինում շահագրգռված, որ առևտրականները լքեն «Հրազդան» տոնավաճառը և շենացնեն Ծառուկյանի շուկան:
Շուկայում հիմա շատերը պնդում են, որ Աբովյան՝ Ծառուկյանի շուկա, անկախ գայթակղիչ առաջարկություններից չեն գնալու, բացի այդ, ըստ նրանց՝ գայթակղությունը միայն առաջին հայացքից է, գնացողները 1,5-2 մլն ներդրում են կատարում տաղավարների համար, ուստի սա ոչ թե լավություն է, այլ լավության շղարշ, բացի այդ՝ կան նաև նման այլ վճարներ, որոնք գումարային մեծ թիվ են կազմելու: «Ով ասեց, որ հետագայում 25 հազարը չեն թանկացնի, եթե սաղ գնան շուկայից, մենք էլ կուզենայինք գնալ, բայց 2 մլն փող չունենք, բացի այդ՝ ընենց չի, որ բոլորը շուկայից գնում են Աբովյան»,- ասաց տոնավաճառում առևտուր անողներից մեկը:
Առևտրակաների մի մասն էլ պնդեց, որ գնալու է: Նրանք փաստեցին, որ շուրջ 1,5-2 մլն ներդրում են կատարել և հուսով են, որ ամեն ինչ լավ է լինելու:
Շուկայում սկսեցին միմյանց հետ վիճել, մնացողները գնացողներին բարի ճանապարհ մաղթեցին և վստահցրին, որ հետ են գալու «Հրազդան»:
Մանրամասները տեսանյութում: