Իրանական բանակը ձգտում է տարածաշրջանում խաղաղության հաստատման: Այս մասին IRINN TV հեռուստաալիքի ուղիղ եթերում ասել է Իրանի նախագահ Հասան Ռուհանին:
«Այս հզոր բանակը ձգտում է խաղաղության և անվտանգության հաստատման, ոչ թե ճնշվածների և երեխաների վրա հարձակման»,- ասել է Ռուհանին:
Նա նշել է, որ մյուսները պետք է սովորեն իրանական բանակից, ոչ թե ձգտեն թեժացնել թշնամանքը տարածաշրջանում կամ հարձակվեն անպաշտպան երեխաների և ծերերի վրա Եմենում:
«Ճնշվածների վրա հարձակումը պատիվ չի բերի ոչ մեկին՝ ով էլ նա լինի: Ինչո՞ւ դուք մյուս ժողովուրդներին բարեկամության, եղբայրության և խաղաղության ձեռք չեք մեկնում: Ի՞նչ է նշանակում Սիրիայում և Իրաքում ահաբեկիչներին ֆինանսական օգնությունը»,- ասել է Ռուհանին:
