«Ալավերդցիները բողոքում են «Շանթի» նոր սերիալից». այս անվանումով խումբ է ստեղծվել Facebook սոցիալական ցանցում, որի մասնակիցները «Շանթ» հեռուստաընկերությունից պահանջում են ներողություն խնդրել ալավերդցիներից՝ նրանց արժանապատվությունը վիրավորելու համար:
Հեռուստաընկերության «Խոպանի տեսություն» սերիալում ներկայացվում է մի աղջիկ, ով սովորելու նպատակով Ալավերդուց Երևան է գնացել։
«Այն խաղը և կերպարը, որ մարմնավորում է աղջիկը հեռու է ալավերդցու կերպարից։ Բացի այդ, սա վիրավորում է ալավերդցիների արժանապատվությունը, քանի որ մեզ ներկայացնում են իբր թե գյուղատիպ, անճաշակ, միամիտ և այլ բացասական տեսանկյունից։ Մենք պահանջում ենք, որ սերիալի սցենարիստները, ռեժիսորը անհապաղ դադարեն Ալավերդի բառն օգտագործել իրենց սերիալում։ Պահանջում ենք նաև, որ Շանթ հեռուստաընկերությունը ներողություն խնդրի ալավերդցիներից»,- ասվում է խմբի հայտարարությունում։