Լուծարված «Կենտրոն մաքրության» աշխատակիցները կառավարության դիմաց պահանջում էին իրենց վերջնահաշվարկները: «Առաջին լրատվական»-ի հետ զրույցում նրանք նշեցին, որ իրենց քաղաքապետարանից և ընկերությունից խոստացել էին վերջնահաշվարկները վճարել ապրիլի 11-ին, սակայն կանչել են ու ասել, որ չեն վճարելու, թող դիմեն դատարան: «Առոք-փառոք իրանց աթոռներին նստել են, մենք էլ մեր տներն ենք կորցնում: Թող տան վերջնահաշարկները, մենք «Սանիտեկից» պահանջներ չունենք. մեր պահանջներն ուղղված են քաղաքապետարնին ու կառավարությանը»,- նշեցին նրանք:
Բողոքողները կարծում են նաև, որ դատարան դիմելու դեպքում կհայտնվեն քաշքշուքի մեջ, իսկ իրենք ժամանակ չունեն, քանի որ վարկեր ունեն: Վճարումներն արդեն ուշացրել են, և բանկերը դիմում դատարան: Կան մարդիկ, որ տունն են գրավ դրել, ուստի կկորցնեն այն: «Թող գոնե վարկերը սառեցնեն, միչև վերջնահաշվարկը կտան: Ասում են՝ մենք գործ չունենք: Գնում ենք քաղաքապետարան, ասում են՝ հաջողություն, թաղապետարան՝ նույնը, նախագահականում էլ ասում են՝ նախագահն այդ հարցերով չի զբաղվում… Բա ո՞ւմ դիմենք, որ քրտինքով աշխատածը ստանանք»:
Մանրամասները՝ տեսանյութում: