«Քիմ Քարդաշյանը կարող է դառնալ այն գեղեցիկ բրենդը, որի շնորհիվ հետաքրքրությունը դեպի Հայաստան կմեծանա. աշխարհում շատերը Հայաստանի տեղն անգամ քարտեզի վրա չգիտեն»,-«Առաջին լրատվականի» հետ զրույցում ասաց Hot տուրիստական ընկերության մենեջեր Լուսինե Մելիքջանյանը՝ հավելով, որ արդեն իսկ Հայաստանով հետաքրքրվողների շրջանակն ավելացել է. աշխարհում շատերը տեսել են Քարդաշյանների տեղադրած լուսանկարները, որոնք հետաքրքրություն են առաջացրել մեր երկրի մշակույթի, դիտարժան վայրերի նկատմամբ: Նա նաև շեշտեց, որ Հայաստանը կարող է ոչ միայն Քիմ Քարդաշյանի հայտնիության գործոնն օգտագործել, այլև շատ ավելի «մեծ» հայերի:
Լուսինե Մելիքջանյանը նաև ընդգծեց, որ Քիմ Քարդաշյանի սոցցանցերի հետևորդների մի մասը կարող է դիտարկվել Հայաստանի համար որպես պոտենցիալ զբոսաշրջիկ. «գովազդի համար մեծ գումարներ են ծախսվում, իսկ այս պարագայում Քիմն անվճար գովազդեց Հայաստանը»,-ասաց նա:
Մանրամասները՝ տեսնայութ