«Ես չեմ ցանկանում որևէ կերպ քննադատել ռեժիմի այլ ընդդիմախոսների ոչ ծրագրերը, ոչ հայտարարությունները: Մեր քննադատության թիրախը միշտ եղել են իշխանությունները և այդպես էլ կլինի մինչև վերջ, մինչև իշխանափոխություն»,- ասաց ԱԺ ՀԱԿ խմբակցության պատգամավոր Լևոն Զուրաբյանը՝ անդրադառնալով Ժիրայր Սեֆիլյանի և կողմնակիցների ձերբակալությանը, թե արդյոք «100-ամյակն առանց ռեժիմի» շարժումը իրական վտա՞նգ էր ներկայացնում իշխանությանը:
Նրա խոսքով՝ ընդդիմության գործն իշխանության քննադատությունն է և իշխանափոխությունը, որպեսզի կարողանաս այն ծրագրերը, որ հայտարարում ես, իրագործել և գալ իշխանության, իսկ դա նշանակում է, որ ընդդիմության քննադատության միակ թիրախը պետք է լինի իշխանությունը: Եվ այստեղից պարզ է՝ ով է իրական ընդդիմությունը:
«Եթե ընդդիմության գործը լինում է այլ ընդդիմադիրներին քննադատելը, արդեն պարզ է, թե ում հետ գործ ունենք, ուրեմն գործ ունենք ռեժիմի սպասարկուների հետ, բայց ես հատուկ որևէ անուն չեմ տալիս, քանի որ ես չեմ ուզում դավաճանել մեր գծին։ Մենք երբեք չենք թիրախավորում ընդդիմադիրներին կամ ընդդիմադիր ձևացողներին»,- հավելեց նա:
Ավելին՝ տեսանյութում: