Կարմիր պատերը կարող են ճարպակալում առաջացնել՝ հայտնում է direct-press.ru-ն: Վերջին հետազոտությունները ցույց են տալիս, որ նույնիսկ տան գույները կապ ունեն ինքնազգացողության հետ:
Սկսենք նրանից, որ վառ լույսը գիշերները խանգարում է նորմալ քնել և խախտում է քնի ու արթուն վիճակի բնական ցիկլը: Իսկ դա ազդում է հորմոնների արտադրության գործընթացի վրա, ինչը կապված է առողջության համար լուրջ խնդիրների հետ: Դրանց թվում են՝ ճարպակալումը, երկրորդ տիպի դիաբետը և նույնիսկ քաղցկեղը: Հենց այդ պատճառով փորձագետները խորհուրդ են տալիս երեկոները տանը նվազեցնել լուսավորությունը, իսկ գիշերները կարմիր լույսով լուսարձակներ օգտագործել, որոնք ավելի քիչ են խախտում քունը:
Եթե ձեր տանը նարնջագույն կամ կարմիր պատեր կան, ձեզ սպառնում է սթրեսի և անհանգստության բարձր աստիճան, ինչպես նաև մաշկի քոր: Պատճառը հավանաբար այն է, որ կարմիր գույնը մարդուն հիշեցնում է բորբոքված մաշկի մասին: Այսպիսի եզրակացության են եկել ԱՄՆ-ում Կոռնելի համալսարանի գիտնականները: Նրանք նաև պարզել են, որ վառ գույները խթանում են ուղեղը՝ մարդուն ստիպելով ավելի շատ ուտել:
Ստուգեք, թե որքանով է ճիշտ հեռուստացույցի և բազմոցի միջև հեռավորությունը: Փորձագետները համարում են, որ այդ հեռավորությունը պետք է մեկուկես անգամ ավելի լինի հեռուստացույցի անկյունագծից:
Պարզվում է՝ բարակ շերտավարագույրները, որոնցով ներս է թափանցում փողոցի լույսը, մեծացնում են ճարպակալման հավանականությունը: Այսպիսի եզրակացության են եկել Քաղցկեղային հետազոտությունների ինստիտուտի գիտնականները: Նրանք պարզել են, որ կանանց շրջանում, որոնց ննջարանների պատուհանները փակում են այդպիսի շերտավարագույրները, ավելի մեծ իրան ունեն: Դրա ստույգ պատճառը հայտնի չէ, բայց գիտնականները մկների վրա փորձերի արդյունքում պարզել են, որ լույսի ազդեցության տակ գիշերները կրծողները 50%-ով ավելի արագ են կառավարվել:
Փորձագետները խորհուրդ չեն տալիս սպիտակեղենը տանը չորացնել, քանի որ այդ դեպքում խոնավությունը գոլորշիանում է շրջակա միջավայրում: Դա մեծացնում է խոնավությոնը և ստեղծում սնկերի առաջացման իդեալական պայմաններ: Իսկ դրանք, իրենց հերթին, առաջացնում են վարակներ, հազ և ասթմայի ախտանշանների սրում: