Հութիների կողմից Ադենում Եմենի նախագահի նստավայրի զավթման ժամանակ զոհվել է առնվազն 15 մարդ։ Այս մասին հայտնում է Sputnik-ը։ Մի քանի տասնյակ մարդիկ վիրավորվել են։
Պալատի շրջանում մարտեր են ընթանում նախագահի կողմնակիցների ու շիա ապստամբների միջև։ Հութիները ներկայում արդեն վերահսկում են Ադենի կենտրոնը։
Բահրեյնի «Ալ-Վասաթ» թերթի հաղորդմամբ՝ հուսիթները զբաղեցրել են Ադեն նավահանգստային կենտրոնը տանկային շարասյունով։ Գրոհայինների հայտնվելուց հետո բնակչությունը սկսել է զանգվածաբար լքել հութիների զբաղեցրած շրջանները։ Ադենի շատ բնակիչներ հույս ունեն լքել Եմենը ծովով։
Ավելի վաղ հայտնի էր դարձել, որ Սաուդյան Արաբիայի գլխավորած կոալիցիան չի բացառում Եմենում հութիների դեմ ցամաքային գործողության իրականացումը։