Ձայները, որոնք լսվում են մանկական խաղահրապարակներում, այլևս ձայնային աղբ չեն համարվում ճապոնական մայրաքաղաքում, գրում է BBC-ն:
Օրենսդրությունում համապատասխան փոփոխությունները Տոկիոյի իշխանությունները կատարել են երեքշաբթի օրը:
Քաղաքում գործող օրենքները, որոնց համաձայն բնակելի թաղամասերում աղմուկի մակարդակը չետք է գերազանցի 45 դեցիբելը, հանգեցրել են նրան, որ երեխաներին երբեմն արգելել են խաղալ խաղահրապարակներում: Որոշ մանկական կենտրոններ իրենց տարածքները ձայնամեկուսիչներով են պատել:
Ճապոնիայի իշխանությունները կարծում են, որ այժմ Տոկիոյում ավելի շատ մանկական կենտրոններ կբացվեն, որոնք իրենց հերթին հնարավորություն կտան կանանց ավելի վաղ աշխատանքի դուրս գալ, ինչն էլ դրական ազդեցություն կունենա քաղաքային տնտեսության վրա:
