Ամերիկյան Ինդիանա նահանգի Memories Pizza պիցցերիան հրաժարվել է գեյ-հարսանիքների պատվերներ ընդունել: Այս մասին է հաղորդում ABC57-ը: Օ՛Քոննորների ընտանիքը, որին պատկանում է պիցցերիան, հայտարարել է, որ իր որոշմամբ ոչ ոքի չի պատրաստվում խտրականության ենթարկել:
Քրիստալ Օ՛Քոննորը հայտարարել է, որ իր ընտանիքն իրավունք ունի սեփական կրոնը դավանել և պաշտպանել սեփական գաղափարները: «Մենք քրիստոնեական հաստատություն ենք: Եթե մեզ մոտ գեյ-զույգ գա և պնդի իր հարսանիքին պիցցա պատրաստել, ապա ստիպված կլինենք մերժել նրանց»,- ասել է նա:
Ընդ որում՝ սրճարանի տերն ասել է, որ չի մերժի գեյերին կամ այլ հավատքի ներկայացուցիչներին ճաշել իր հաստատությունում: Նրանք նշել են, որ ուղղակի համաձայն չեն գեյ-ամուսնություններին և չեն ցանկանում աջակցել նրանց: