Comedy Club-ն արդեն 10 տարեկան է: THR-ը հանդիպել է հաղորդման գլխավոր տնօրեն Արթուր Ջանիբեկյանի և ստեղծագործական տնօրեն Գարիկ Մարտիրոսյանի հետ` իմանալով հայտնի շոուի բոլոր գաղտնիքները:
«Ես սկզբունքայնորեն նման շոուներ չեմ նայում, որպեսզի պատահաբար դրանցից գաղափարներ չգողանամ: Շատ հումորիստներ ունեն նման հիվանդություն` դիտել ամերիկացի կատակերգուներին: Ես ոչ ոքի չեմ ճանաչում: Ընդհանրապես գաղափար չունեմ:
Ես չեմ նայում այլ պատճառով: Ինձ մոտ առանց այն էլ ակումբից տղաների հետ շփման և անվերջ կատակների արդյունքում հումորի «ավելցուկ է»: Բայց ձեզ կարող եմ ասել` եթե որևէ մեկը մրցույթ կազմակերպի Comedy Club-ի և ցանկացած այլ հումորիստական հաղորդման միջև, մենք ընդամենը ձախով կհաղթենք:
Ես ցանկանում եմ Comedy Club-ի բոլոր քննադատներին ասել, որ ամոթ է, ձեզ մոտ բացակայում է խելքն ու խորաթափանցությունը` հասկանալու համար, որ Comedy Club-ում զզվելի պահերը ուղղակի սադրանք են:
Ես վստահ եմ, որ շատ են այն մարդիկ, որոնց սիրտը խառնում է միայն Comedy Club արտահայտությունից: Մենք չենք կարող ամբողջությամբ գնահատել աղետի ծավալները միայն նրա համար, որ չկա այնպիսի հարթակ, որտեղ կխոսեին քննադատները: Չնայած, եթե հարցում կազմակերպեն և անցորդներին հարցնեն, թե ինչ են մտածում Comedy Club-ի մասին, առնվազն կեսը կասեն, որ դա զզվելի է: Եվ միայն այն պատճառով, որ Comedy Club-ին հայհոյելը պակաս նորաձև չէ, քան այն դիտելը: Իսկ մեզ հայհոյելը նույնն է, ինչ հայհոյել կյանքը: Եթե որևէ մեկն ասում է` ես ատում եմ Comedy Club-ը, դուք բոլորդ բարոյապես տձևներ եք, ես խղճում եմ այդ մարդուն, որովհետև նա կյանքից ոչինչ չի հասկանում»,- ասել են Գարիկ Մարտիրոսյանն ու Արթուր Ջանիբեկյանը:
Հիշեցնենք, որ Գազպրոմ-Մեդիա»-ի ժամանցային հեռուստաալիքները՝ ТНТ, ТВ-3, ПЯТНИЦА! և 2х2, կմիավորվեն ժամանցային ТВ խմբում, որը կգլխավորի Comedy Club Production-ի գլխավոր տնօրեն Արթուր Ջանիբեկյանը:
Հարցազրույցն ամբողջությամբ`ավելի ուշ: