EasyJet ավիաընկերության ինքնաթիռը արտակարգ վայրէջք է կատարել Հռոմի օդանավակայանում այն բանից հետո, երբ ուղևորը հարձակվել է ուղեկցորդուհու վրա երկար ժամանակ սենդվիչի սպասելուց հետո, հայտնում է Daily Mail-ը:
Դեպքը տեղի է ունեցել ինքնաթիռում, որը երեքշաբթի առավոտյան ուղևորվում էր Ժնևից Փարիզ: Ականատեսների վկայությամբ՝ մինչ հարձակվելը ագրեսիվ ուղևորը բղավել է. «Ես սպասել եմ մի քանի ժամ, ես քաղցած եմ»: Ապա վեր է կացել ու հրել ուղեկցորդուհուն, իսկ երբ նա ընկել է, շարունակել է ծեծել:
Մյուս ուղևորները միջամտել են ու կանգնեցրել տղամարդուն, իսկ օդաչուն որոշում է կայացրել թռչել Հռոմ՝ ելնելով անվտանգության նկատառումներից:
Իտալիայի ոստիկանությունը ձերբակալել է տղամարդուն, իսկ աղջկան անհրաժեշտ է եղել բժշկական օգնություն:
Ինքնաթիռում գտնվել է 180 մարդ: