Վերմոնտի օրենսդիրները երեքշաբթի միաձայն ընդունել են բանաձևեր, որոնք ճանաչում են նախկին Օսմանյան կայսրությունում մոտ 1.5 մլն հայերի համակարգված սպանությունն ու ոգեկոչում Հայոց ցեղասպանության 100-րդ տարելիցն այս տարի։ Այս մասին հայտնում է Burlington Free Press-ը։
Տեղի Lokum խումբը Ներկայացուցիչների պալատում նվագել է հայկական երաժշտական բարեպաշտ երգեր և հոտնկայս ծափահարությունների արժանացել։
Երկու վերմոնտցիներ՝ Քրիս Բոհջալյանն ու Ջեսիկա Օսկին, ովքեր Ցեղասպանությունից վերապրածների ժառանգներ են, առաջարկել էին բանաձևը ներկայացուցիչ Ջոան Լինսին։ Բոհջալյանը սյունակագիր է Burlington Free Press-ում, իսկ Օսկին՝ լոբբիստ։ Լինսն իր հերթին ասորի ներգաղթյալի ժառանգ է Իրանից. նրանք նույնպես հետապնդվել են Օսմանյան կայսրության կողմից։
Բանաձևի ընդունումից հետո Բոհջալյանն ու ամերիկահայ Դանա Ուոլրաթը, որը Վերմոնտի համալսարանի մարդաբան է, բանախոսել են քաղաքապետարանում Թյուրք-ամերիկյան ասոցացիաների խորհրդի կազմակերպած մշակութային միջոցառման ժամանակ, պատմել իրենց անձնական ուղևորությունների մասին դեպի պատմական հայրենիք։ Նրանք երկուսն էլ պատմական վեպեր են գրել Ցեղասպանության վերաբերյալ։ Բոհջալյանը հիշել է Դուդանի հեղեղատ կատարած այցը, որտեղ 10 հազար հայ է սպանվել։
Ուոլրաթի խոսքով՝ Ցեղասպանությունը 8 փուլ է ունեցել, և 8-րդը ժխտողականությունն է։ Նա նշել է, որ Ցեղասպանությունը դեռևս շարունակվում է։