Ամերիկյան փետրակուրծք անտառային երգեցիկ թռչունները ոչ մեծ, ոչ գրավիչ անտառային թռչուններ են, որոնք, սակայն, ռեկորդակիր են երգեցիկ փետրավորների թվում: Ամեն տարի նրանք Հարավային Ամերիկա սեզոնային միգրացիայի ժամանակ թռչում են ավելի քան 2,7 հազար կմ առանց կանգառի, հայտարարում են նատուրալիստները հոդվածում, որը հրապարակվել է Biology Letters ամսագրում:
Մասաչուսեթսի համալսարանից Ուիլյամ Դելուկան և մի քանի թռչնաբաններ բացահայտել են այդ զարմանալի թռչնային ռեկորդը՝ հետևելով այս թռչունների (Dendroica striata) տեղաշարժին՝ նրանց թիկունքին ամրացնելով հատուկ «ուսապարկ», որը հնարավորություն է տվել որոշել թռչնի դիրքը քարտեզին և օրվա ու ժամանակի շարունակականությունը:
Գիտնականների մտածումներն արդարացել են. թռչուններն իրոք թռչում են Ատլանտյան օվկիանոսով՝ հաղթահարելով հսկայական տարածություն:
Հետաքրքիր է, որ իրենց ճանապարհորդության ընթացքում նրանք ոչ մի կանգառ չեն անում՝ շարունակելով ճանապարհորդությունը դեպի Հյուսիսային Ամերիկա կամ Հարավային Ամերիկա գիշեր ու զօր: