Birthright Armenia ընկերությունն ապրիլի 1-ին մեկնարկում է #AG գլոբալ արշավը, որը կոչված է բարձրացնելու իրազեկվածությունը Հայոց ցեղասպանության վերաբերյալ։ Այս մասին հայտնում է Asbarez-ը։
Կազմակերպությունն ավելի քան 15 երկրում 125 հազարից ավելի ժամանակավոր դաջվածք է բաժանել։ Կազմակերպության անդամները, Ցեղասպանությունից վերապրածների թոռները ամբողջ աշխարհում գործում են որպես հայկական համայնքների բաշխիչ կենտրոններ։
Հայերին Հայաստանում և ամբողջ աշխարհում կոչ է արվում միանալ շարժմանը՝ լուսանկարվելով ժամանակավոր տատուներով և տեղադրելով դրանք սոցիալական մեդիայում #AG, #AG1915 և #AG100 հեշթեգներով։ Մասնակիցները նաև պետք է փոխեն պրոֆիլային նկարը նոր #AG լուսանկարով։ Մասնակցությունը պետք է պարունակի նաև 15 վայրկյան տևողությամբ ձայնագրություն այն մասին, թե ինչու է կարևոր արշավին միանալը։
Արշավին մասնակցությամբ հետաքրքրված են կազմակերպություններ, բիզնեսներ, դպրոցներ, համալսարանական խմբեր ԱՄՆ-ից, Կանադայից, Մեծ Բրիտանիայից, Ֆրանսիայից, Գերմանիայից, Իսպանիայից, Արգենտինայից, Ուրուգվայից, Բրազիլիայից, Մեքսիկայից, Ավստրալիայից, Քուվեյթից, Իրանից, Թուրքիայից։