Բելառուսի նախագահ Ալեքսանդր Լուկաշենկոն կարծում է, որ առանց ԱՄՆ-ի Ուկրաինայում կայունություն հնարավոր չէ: Այս մասին նա ասել է Bloomberg-ին տված հարցազրույցում:
Լուկաշենկոն նշել է, որ իրեն ամենից շատ անհանգստացնում է այն, որ «նորմանդական ձևաչափով» Մինսկի համաձայնությունների ձեռքբերումից հետո Ուկրաինայում իրավիճակի կարգավորման գործընթացին բացահայտորեն միացած չի եղել ԱՄՆ-ը:
«Ես կարծում եմ՝ առանց ամերիկացիների Ուկրաինայում ոչ մի կայունություն հնարավոր չէ:Եվ վերջերս հանդիպելով ԱՄՆ-ի ներկայացուցիչների հետ՝ պաշտոնական ներկայացուցիչների, որոնք մեզ մոտ են եղել, ես վճռականորեն նրանց էի հասցնում այդ տեսակետը՝ հայտարարելով, որ չգիտեմ, թե ինչ են ուզում ամերիկացիներն այստեղ՝ Արևելյան Եվրոպայում, մասնավորապես՝ Ուկրաինայում, բայց եթե ամերիկկացիներն ուզում են, որ խաղաղություն և կայունության լինի, նրանք անհապաղ պետք է միանան այդ գործընթացին»,- ասել է Լուկաշենկոն:
