«Մտածում էր, որ ծառայությունն ավարտելուց հետո կգա տուն, հոր և եղբոր հետ կրկին կգնա Ռուսաստան, կաշխատեն, տուն կառնեն»,- «Առաջին լրատավական»-ի հետ զրույցում նշեցին մարտի 29-ի երեկոյան ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասի մարտական հենակետում հակառակորդի կողմից արձակված գնդակից զոհված զինծառայող Հովսեփ Անդրեասյանի հարազատները:
Նրանք մանրամասնեցին, որ 2 մեծ ընտանիք մի հարկի տակ են ապրում: «Երկու եղբայր մի տան մեջ են ապրում: Միշտ ասում էր` կաշխատեմ, մեզ տուն կառնեմ, մա՛մ ջան, պա՛պ ջան, մենք մեր տունը կունենանք»,- պատմեցին հարազատները:
Համագյուղացիները և հարազատները ասացին, որ Հովսեփը 8-րդ դասարանն ավարտելուց հետո գնացել է խոպան ՝ փող աշխատելու, կարճ ժամանակում աշխատասիրության շնորհիվ բրիգադիր է նշանակվել: «Ասում էր, որ` բանակից գամ, մի շաբաթ էլ անգործ չեմ մնա, ասեք, թող տեղս պահեն, հենց եկա գնալու եմ աշխատելու: Շատ ձգտող էր»,- պատմեցին նրանք:
Մանրամասները ՝ տեսանյութում