Ճապոնիայում կյանքի 118-րդ տարում մարտի 31-ին մահացել է մոլորակի ամենատարեց բնակչուհի Միսաո Օկավան։ Այս մասին հայտնել են բուժհաստատության ներկայացուցիչները, որտեղ նա բնակվել է վերջին մի քանի տարիներին՝ փոխանցում է TASS գործակալությունը։
Մարտի սկզբին նա նշել է ծննդյան 117-ամյակը։ Բժիշկները հաստատել են, որ մոլորակի ամենատարեց բնակչուհին առողջական լուրջ խնդիրներ չունի։
Օկավան ծնվել է 1898 թվականի մարտի 5-ին՝ ճապոնական ավանդական կիմոնոյի խանութի սեփականատիրոջ ընտանիքում։ Նա լույս աշխարհ է բերել 3 երեխա։ Նրանցից 2-ը պահպանում են երկարակեցության ընտանեկան ավանդույթը։ Նրանք արդեն 90-ից բարձր տարիքի են։
Օկավան Երկրի ամենատարեց բնակչուհու կոչումը ստացել էր այն բանից հետո, երբ 2013-ին 117 տարեկանում մահացել է կրկին Ճապոնիայի քաղաքացի Ձիրոեմոն Կիմուրան։ Օկավայի կարգավիճակը գրանցված է Գինեսի ռեկորդների գրքում։