Սմարթֆոնների համար նախատեսված WhatsApp մեսինջերը նոր գործառույթ ունի` ձայնային զանգեր: Այժմ այն հասանելի է միայն Android սմարթֆոնների համար և միայն մշակող ընկերության կայքի հավելվածի տարբերակով, գրում է Lenta.ru-ն:
WhatsApp-ի կայքում Android 2.12.19 հավելվածի նոր տարբերակը հայտնվել է մարտի 31-ին: Այն ունենալու համար անհրաժեշտ է Android համակարգի կարգավորումներում «անվտանգություն» բաժնում թույլ տալ հավելվածին «տեղադրվել»` «անհայտ աղբյուրներից»: «Ձեր անձնական տվյալները և հեռախոսի տվյալներն առավել խոցելի են անհայտ աղբյուրներից հավելվածների հարձակման համար»,- նախազգուշացնում է համակարգը, երբ օգտատերը հավելվածը ներբեռնում է ոչ Google Play-ից:
