Գրող և կոմիքսների հեղինակ Սթեն Լին Carnival Films հեռուստաընկերության համար կգրի նոր սուպերհերոսական սերիալի սցենարը: Ընկերությունը պատասխանատու է «Դաունթոնի աբբայությունը», «Ոչ ոքի թագը» հեռուստանախագծերի արտադրության համար: Այս մասին հայտնում է Deadline-ը:
«Սթենը յուրահատուկ սուպերհերոսական սյուժե է մտածել՝ այնպիսին, որով յուրաքանչյուրը կարող է ոգեշնչվել: Ո՞վ չէր ուզենա հաջողության տիրանալ: Դա շնո՞րհ կլիներ, թե՞ անեծք: Այդ թվիսթի շնորհիվ մեզ կհաջողվի սուպերհերոսական ժանրը գետնին իջեցնել»,- պատմել է սերիալի պրոդյուսեր Ռիչարդ Ֆելլը:
Sky1 հեռուստաալիքի պատվիրած` 10 սերիայից բաղկացած շոուն անվանվել է «Հաջողակը» (Lucky Man): Դերասան Ջեյմս Նեսբիթը «Հաջողակ»-ում կմարմնավորի գլխավոր դերը՝ ոստիկանի, ով գերունակություն է ձեռք բերում` ճակատագրի նկատմամբ իշխանություն ստանալով:
Բացի Նեսբիթից՝ նախագծին կմասնակցեն Իվ Բեսթը, Սիեննա Գիլլորին, Ամարա Քարանը և Դարեն Բոյդը:
Սերիալի հեռուստապրեմիերան նախատեսվում է 2016 թ.: