Ուրիշի հաշվին՝ համացանցում գողացված գաղտնաբառի միջոցով տաքսի պատվիրելը հնարավոր է դարձել ցանցահենների ջանքերով: Համացանցում անօրինական ապրանքների առևտրով զբաղվողները, որոնք աշխատում են ստվերային կայքերում, ինչպիսին Alpha Bay-ն է, 1 դոլարով վաճառում են Uber տաքսի պատվիրելու ծառայության գաղտնագրերը: Տեղեկությունը, որը ձեռք է բերում գնորդը, ներառում է ցանցահենների զոհի ոչ միայն գաղտնագիրը, այլև վարկային քարտի համարն ու հեռախոսի համարը, հայտնում է Mashable-ը:
Ավելին՝ ցանցահենների գողացած որոշ էջեր օգտագործում են ոչինչ չկասկածող տերերը: Այսպես, օրինակ՝ Amazon-ի կոտրած էջի գաղտնագիրն օգտագործվել է Uber ներթափանցելու համար, քանի որ երկու էջերի դեպքում նույնն է եղել:
Չնայած Courvoisier կեղծանունով վաճառողներից մեկը խոսում է մի քանի հազար էջերի վաճառքի մասին՝ Uber-ում հայտարարել են, որ կայքը կոտրելու ոչ մի նշան չեն հայտնաբերել, սակայն կասկածելի վարքի մասին հայտնել են իշխանություններին: Օգտատերերին հիշեցրել են տարբեր ինտերնետ-ռեսուրսների համար տարբեր գաղտնաբառեր օգտագործելու անհրաժեշտության մասին:
