Բարսելոնի World Mobile Congress-2015-ում ընկերությունները ներկայացրել են միանգամից մի քանի աղմկահարույց նորույթներ, որոնք կորոշեն, թե ինչ ուղղությամբ կզարգանան սարքերը, գրում է korrespondent.net-ը:
Ցուցահանդեսի ընդհանուր միտումներում հարկ է նշել այնպիսի հսկաների ավանդական ուժեղ ներկայությունը, ինչպիսիք են Samsung-ը, Intel-ը կամ Huawei-ն, որոնք կենտրոնական տեղ են զբաղեցրել ցուցադրությունում և առավել գրավիչ եղել փորձագետների ու ցուցահանդեսի այցելուների համար:
Samsung-ը ցուցահանդեսից մեկ օր առաջ ներկայացրել է իր նոր ֆլագմանային S6 սմարթֆոնը, որը շուտով կհանվի վաճառքի:
Սմարթֆոն Samsung Galaxy S6
Սմարթֆոնի ներսում ամենաամուր երկաթն է, որն այսօրվա դրությամբ հնարավոր է գտնել աշխարհում, Samsung Exynos 7240 արտադրության պրոցեսորը, որի 4 միջուկն աշխատում է 1,5 գիգահերց ու ևս չորսը՝ 2,1 գիգահերց հաճախականությամբ:
Ժամացույցներ Huawei Watch
Ցուցահանդեսի մեկ այլ նորաձև բրենդ են ժամացույցները, որոնք այսուհետ ոչ միայն աքսեսուար են, այլև լիարժեք սմարթֆոն:
Ցուցահանդեսի գլխավոր բացահայտումն են դարձել Huawei Watch-երը, որոնք հագեցած են 1,4-դյույմանոց AMOLED-դիսփլեյով:
Կորպուսի տակ թաքնված է 4 միջուկանի Qualcomm պրոցեսորը՝ 1,2 գիգահերց հաճախականությամբ: Ժամացույցն ունի 512 Մբ օպերատիվ հիշողություն, 4 Գբ ներդրված հիշողություն, ինչպես նաև Bluetooth 4.1. մոդուլ:
Գրպանի սմարթպրոյեկտոր ZTE SPro
Այս նորությունը դարձել է ամենահետաքրքիրներից մեկը հավելյալ իրականության ու գրաֆիկական վիզուալացման ոլորտում: Պրոյեկտորն ունի ոչ մեծ դիսփլեյ և սեփական Android 4.2 Jelly Bean գործառնական համակարգ: Իրականում Spro-ն համակարգիչ է:
Մատնահետքերի Qualcomm Snapdragon Sense ID սքաներ
Օգտատերերն այսօր ցանկանում են հուսալի պաշտպանել իրենց հեռախոսները, սակայն մինչ օրս ընկերությունները չէին կարողանում ներկայացնել նման տեխնոլոգիա
Մարզական տեսախցիկ Xiaomi Yі
Սեփական լուսանկարներով տարվածության աճը և հանգստին մեծաքանակ տեսանկարահանումները հանգեցրել են նրան, որ էքշըն-տեսախցիկները դառնում են սարքերի համաշխարհային ինդուստրիայի ամենահայտնի սեգմենտը: Մարդուն արդեն բավարար չէ սմարթֆոնի միջոցով լուսանկար անելը, նա ցանկանում է, որ տեսախցիկն իր հետ ամենուր լինի:
Տեսախցիկը կարող է վիդեո նկարահանել Full HD ձևաչափով՝ վայրկյանում 60 կադր: Հիշողության ընդհանուր ծավալը կազմում է 64 ԳԲ: Ինչ վերաբերում է էքստրեմալ պայմաններին, ապա արտադրողը խոստանում է, որ տեսախցիկը կաշխատի ջրի տակ՝ 40 մ խորության վրա:
Xiaomi Yi-ի ևս մեկ առավելությունը գինն է, որը, ըստ նախնական տեղեկությունների, կազմում է 64 դոլար: