Հոլիվուդյան դերասան Հարիսոն Ֆորդը դուրս է գրվել հիվանդանոցից, որտեղ հայտնվել էր իր վարած ինքնաթիռի անկումից հետո։ Այս մասին հայտնում է People-ը՝ նշելով, որ Ֆորդին շաբաթ տեսել էին Լոս Անջելեսում մեքենայի ղեկին։
Դերասանը մարտի 5-ին տեղափոխվել էր UCLA բժշկական կենտրոն այն բանից հետո, երբ նրա ինքնաթիռը ջարդվել էր՝ ընկնելով Հարավային Կալիֆոռնիայում գոլֆի դաշտում։
Ֆորդը ստացել էր գլխի բաց վնասվածք, կոճի և կոնքի ոսկրերի կոտրվածք։ Նա հոսպիտալացվել էր կայուն վիճակով։