Ավստրալիայի կառավարությունը ուղևորատար ինքնաթիռների օդաչուներին արգելել է թռիչքի ժամանակ միայնակ մնալ օդաչուների համար նախատեսված խցիկում: Առաջիկա ժամերին այդ մասին պաշտոնական հայտարարություն կանի երկրի փոխվարչապետ Ուորեն Թրասը՝ գրում է TASS-ը:
Նոր օրենքն ուժի մեջ կմտնի անհապաղ և կվերաբերի ինչպես ներքին, այնպես էլ միջազգային չվերթներին:
Տվյալ միջոցառումը պայմանավորված է Ֆրանսիայում օրերս տեղի ունեցած Airbus A320 ինքնաթիռի աղետով, որի պատճառը խցիկում միայնակ մնացած օդաչուի կանխամտածված գործողություններն էին: