Ինչպես տեղեկացնում է «Սվոբոդա» ռադիոն՝ մարտի 30-ին նրանք պիտի հանդիպեն Պրահայի ծայրամասում, իսկ արդեն ապրիլի մեկին՝ դուրս գան երկրից։
Ամերիկյան զորքերը վերադառնում են Գերմանիայի իրենց բազաները՝ Լեհաստանում զորավարժություններից հետո։ ԱՄՆ զորքերը Լեհաստանում և Բալթյան երկրներում զորավարժություններ էին անցկացնում՝ պայմանավորված տարածաշրջանում Ռուսաստանի ռազմական ակտիվության մեծացմամբ։
Ինչպես նշվում է՝ անցման թույլտվություն տալով՝ Չեխիայի կառավարությունը, այդպիսով՝ երկիրը, ՆԱՏՕ-ի հանդեպ կատարում է գործընկերային պարտավորությունները։
Չեխիայի նախագահ Միլոշ Զեմանը հայտարարել է, որ նրանք, ովքեր ռազմական շարասյունը օկուպացիոն են համարում, «հակաամերիկյան գժեր են»։ «Ես համաձայն չեմ, որ ամերիկյան զորքերն օկուպացիոն համարվեն. այն պարզ պատճառով, որ անցյալ դարում մենք երկու անգամ օկուպացիա ենք կրել և գիտենք, թե դա ինչ տեսք ունի»,- ընդգծել է նա։