Կալիֆոռնիական համալսարանի մարդաբան-գիտնականները փորձի արդյունքում եկել են այն եզրակացության, որ օքսիտոցին հորմոնն արագացնում է ուժերի վերականգնման գործընթացը և բարձրացնում է տրամադրությունը։
Նրանք պարզել են, որ երբ Ամազոնկայում ապրող որսորդներն ու ֆերմերները ծանր աշխատանքից հետո հայտնվում էին տանը, նրանց օրգանիզմում տեղի էր ունենում օքսիտոցինի բարձրացում։
Ընտանիքից երկարատև բաժանման ժամանակ օքսիտոցինի մակարդակն է՛լ ավելի էր բարձրանում։
Այս հորմոնը նաև ազդում է որսի ժամանակ առաջացող տեստոստերոնի քանակի վրա։ Մարդաբանների խոսքով՝ սպանելով որսը՝ օրգանիզմում անխուսափելիորեն արտադրվում է տեստոստերոն։
Միևնույն ժամանակ օքսիտոցինը հավասարակշռություն ստեղծող հորմոնի դեր է տանում։ Այսպես. տուն գալով՝ սպանելու ցանկությունը որսորդների մոտ փոխարինվում է բարեհոգությամբ և ընտանիքի հետ ժամանակ անցկացնելու ցանկությամբ։
Սա գիտնականներին թույլ է տվել եզրակացնելու, որ օքսիտոցինն ազդում է ուժերի վերականգնման և տրամադրության բարձրացման վրա։