Վերջերս Քելլի Օսբորնը հաճախ է հանդես գալիս բարձրագոչ հայտարարություններով և դառնում է սկանդալների մասնակից։ Այս շաբաթ spletnik.ru-ն որոշել է հենց նրան ընտրել որպես իր «Էվոլյուցիա» բաժնի հերոսուհի։
Քելլի Միշել Լի Օսբորնը ծնվել է 1984 թ. հոկտեմբերի 27-ին Լոնդոնում, լեգենդար ռոք-երաժիշտ Օզզի Oսբորնի և նրա տիկին Շարոնի ընտանիքում։
Նրա մանկությունը համընկել է հոր ճանաչվածության գագաթնակետին հասնելու հետ, հենց այդ պատճառով էլ նա իր մանկության մեծ մասն անցկացրել է պարբերական տուրնեներում և ամբողջ աշխարհի հոթելներում։ Դրանով հանդերձ՝ նրան հաջողվել է սովորել անգլիական լավագույն դպրոցներում։
2002 թ. ամերիկյան հեռուստաալիքներով սկսեց հեռարձակվել մեր օրերում էլ հանրահայտ «Օսբորնների ընտանիք» ռեալիթի-շոուն, որին մասնակցում էր Քելլիի ընտանիքը։ Նախագիծը մեծապես սիրվեց հանդիսատեսի կողմից, և այդ օրվանից Քելլին ընկավ շոու-բիզնեսի աշխարհը։
Այդ ժամանակ էլ նա լույս ընծայեց իր առաջին երաժշտական ալբոմը, որը ստացել էր Shut Up անունը։ Այն լսարանի կողմից բավականին սառն ընդունելություն ունեցավ։
2002-ից 2004 թթ. գոյատևեց Քելլիի սեփական բրենդը՝ Stiletto Killers-ը։ Այն մասնագիտացած էր պանկ-ռոք հագուստի դիզայնի վրա։
Դրանից հետո Քելլին որոշեց իր ուժերը փորձել դերասանական գործում և նկարահանվեց այն ժամանակ հայտնի «Անցումային տարիք» սերիալում։
2005 թ. լույս տեսավ նրա նոր ալբոմը՝ Sleeping in the Nothing-ը։ Դրա ժանրն այլ էր, ագրեսիվ պանկ-ռոքին փոխարինել էր մեղեդային փոփը։
Արդյունքում նա հասցրեց աշխատել նաև որպես մոդել, տարբեր մրցանակաբաշխությունների (օրինակ՝ MTV Music и Video Awards) վարող, մի քանի անգամ խաղալ կինոյում և նույնիսկ դառնալ «Չիկագո» մյուզիքլի դերասանուհի։
Այս շրջանում Քելլին նաև դառնում է տարբեր սկանդալների գլխավոր մեղավորը. նրան մի քանի անգամ ձերբակալում են, նա առողջական խնդիրներ է ունենում ալկոհոլի և թմրանյութերի օգտագործման հետ կապված։
Հետաքրքիր է, որ 2009 թ. նա նշանված էր մոդել Լյուկ Ուորլի հետ։ Ճիշտ է, մեկ տարի հետո զույգը բաժանվեց։ Այդ ժամանակ էլ Օսբորնը մասնակցեց «Պարեր աստղերի հետ» շոուին, որտեղ նրա զուգընկերը պարահանդեսային պարերի հոլանդացի չեմպիոն Լուիս վան Ամստելն էր։ Արդյունքում զույգը գրավեց պատվավոր երրորդ տեղը։
2011-ից Քելլին սկսեց աշխատել որպես E! հեռուստաընկերության ֆեշըն-թղթակից, իսկ հետագայում՝ նաև «Մոդայիկ վերահսկողություն» շոուի հաղորդավարներից մեկը՝ Ջոան Ռիվերսի, Ջուլիանա Ռանչիչի և Ջորջ Կոցիոպուլոսի հետ։
Սակայն Օսբորնը լքեց այս պաշտոնն այս փետրվարի վերջին՝ կապված Ռանչիչի և Զենդաի Կոլումանի մասնակցությամբ սկանդալի հետ։
2013 թ. հայտնի դարձավ, որ Քելլին նշանվել է իր սիրեցյալ շեֆ-խոհարար Մեթյու Մոսհարթի հետ, որի հետ նա ծանոթացել էր երկու տարի առաջ։ Սակայն այս դեպքում ևս նա չկարողացավ ընտանեկան երջանկություն հյուսել. 2014 թ. նրանք հեռացան միմյանցից։
Արժե նշել, որ հաղորդավարուհին ու երգչուհին մեկ անգամ չէ, որ բավականին կտրուկ փոխել է իր ոճը՝ հետևելով իր ներքին պոռթկումներին։ Շատերն են նրան հիշում թե՛ որպես շիկահեր, թե՛ որպես սևահեր՝ մինչ այն, երբ մեր օրերում նա դարձավ մանուշակագույն երանգի մազերով։
