«Նվիրյալներ են պետք, դուխով մարդիկ իշխանություններին փոխելու համար, ոչ թե կեսից վախենան, փախնեն»,- «Առաջին լրատվական»-ի հետ զրույցում նշեց Սարյանի պուրակում գտնվող Վերնիսաժում իր աշխատանքները վաճառող նկարիչ Հարություն Հարությունյանը՝ հավելելով, որ հասարակությունը հոգնել է իշխանություններից, նույն դեմքերից ու թալանից:
Ճարտարապետ-նկարիչ Վլադիմիր Շահինյանն էլ ընդգծեց, որ ոչ ընդդիմության, ոչ իշխանության անունը լսել չի ուզում. «Ինչ Ծառուկյան, ինչ ՀԱԿ, բոլորը իրենց շահերն են առաջ քաշում»,- ասաց նա՝ հավելելով, որ նախկինում՝ մինչև 2008-ի մարտի մեկը Լևոն Տեր-Պետրոսյանի հանրահավաքներին գնացել է, հավատացել, որ մի բան կփոխվի, բայց բոլորը տեսան՝ ով ինչ արեց: Իսկ գեղանկարիչ Գալուստ Դարբինյանը ասաց, որ մեր երկրում ոչինչ չի փոխվում, քանի որ թե իշխանությունները և թե ընդդիմադիրները կենտրոնացած են ոչ թե քաղաքական գաղափարախոսության, այլ անձի շուրջ: «Մենք ավելի շատ կուսակցություններ ունենք, քան աշխարհում գաղափարախոսություններ կան»,- նշեց նա:
Մանրամասները՝ տեսանյութում: