ԱՄՆ-ում անցկացվել է Kid’s Choice Awards մրցանակաբաշխությունը՝ կաբելային Nickelodeon ալիքի կողմից։ Այս անգամ ամենամեծ ուշադրությունը գրավել է Անջելինա Ջոլիի՝ հանրության առջև հայտնվելը։ Ձվարաններիի հեռացման վիրահատությունից հետո նա առաջին անգամ էր հրապարակ դուրս գալիս։ Մրցանակաբաշխությանն աստղը ներկայացել էր իր դուստրերի՝ Շայլոյի և Զախարայի հետ։
Դերասանուհին մրցանակի արժանացավ «Լավագույն չարագործ» անվանակարգում։ Նման մրցանակի համար նա պարտական է «Մալեֆիսենտա»-ում իր խաղացած դերին։
Հանդիսավոր ելույթի ժամանակ Ջոլին կոչ արեց երեխաներին «չվախենալ ուրիշ լինելուց»։ «Ուրիշ լինելը լավ է, այնպես որ՝ մի՛ փորձեք տեղավորվել սահմաններում։ Մի՛ փորձեք ուղղակի նստել տեղում և անգամ մի՛ մտածեք՝ փորձելու անել ավելի քիչ, քան դուք ունակ եք։ Երբ որևէ մեկն ասում է ձեզ, որ դուք ուրիշ եք, ժպտացեք, գլուխը վեր բարձրացրեք և հպարտացեք ինքներդ ձեզանով։ Եվ քանի որ դուք չարագործներ եք, հետևաբար պիտի ձեզ հետ փոքրիկ անհաջողություններ բերեք։ Դա նույնպես ձեզ համար լավ կլինի»,- ասել է Ջոլին։