Գազայի, գրեթե 2 միլիոնանոց բնակչությունը բախվում է ոչ միայն սնունդի ամենօրյա պակասի հետ, այլև իսրայելական կողմը թույլ չի տալիս մարդկանց ամուսնանալ: Գազայի բնակչուհին չի կարող ամուսնանալ Արևմտյան ափի բանկչի հետ այն պատճառով, որ նրանց իրար մոտ չեն թողնում:
Դալիա Շուրաբը տանը նստած պլանավորում է այն հարսանիքը, որն ամենայն հավանականությամբ տեղի չի ունենալու: Նա ապրում է Գազայում, որտեղ արդեն ութ տարի է ինչ չի դադարում իսրայելական շրջափակումը, այնպես որ նա չի կարող հասնել իր փեսացուին՝ պաղեստինցի Ռաշիդ Ֆադային, ով նրան ամուսնության առաջարկ է արել դեռևս 4 տարի առաջ:
«Ես Facebook-ում ակցիա եմ սկսել այն բանից հետո, երբ բոլորին օգնության դիմեցի՝ փորձելով ստանալ տեղաշարժման իսրայելական թույլտվությունը: Ես դիմել եմ պաղեստինցի պաշտոնյաներին և տեղի իրավապաշտպան կազմակերպությունենրին, բայց նրանք բոլորն իրենց այնպես են պահել կարծես ես կոպիտ սխալ եմ թույլ տվել ինձ ամուսին չընտրելով, չհամակերպվելով իմ այստեղի ճակատագրի հետ»,- պատմել է Շուրաբը:
Միևնույն ժամանակ Արևմտյան ափին գտնվող նրա փեսացուն պատմել է, որ իրեն նույնպես առաջարկել են այլ հարսնացու ընտրել:
