Ֆրանսիայում կիրակի օրը անցկացվել է տեղական ընտրությունների երկրորդ փուլը: Այս ընտրություններում քվեարկության արդյունքները շատերը ֆրանսիացիների տրամադրության ինդիկատոր են համարում, ովքեր 2017թ պետք է նոր նախագահ ընտրեն, գրում է BBC-ն:
Քվեարկության առաջին փուլից հետո, որն անցած շաբաթ է կայացել, առաջատար է հանդիսանում Նիկոլա Սարկոզիի կուսակցությունը:
Մարին Լե Պենի «Ազգային ճակատը» ձայների հաշվարկից հետո չի հավաքել սպասվող քանակը և այժմ երկրորդ տեղն է զբաղեցնում:
Մինչդեռ, ծայրահեղ աջերն առաջին փուլում 24,5% են հավաքել: Դա, ինչպես կածում են Ֆրանսիայում, հաստատում է Մարին Լե Պենի ռազմավարության հաջողությունը, ով ձգտում է ամրապնդել տեղական կուսակցական ենթակառույցները և զսպել կուսակցության անդամների թվում ակնհայտ ռասիստներին:
Քվեարկության նախօրեին որոշ հարցումներ ցույց են տվել, որ ծայրահեղ աջերը կարողացել են ավելի շատ ձայներ հավաքել և դառնալ երկրի ամենահայտնի կուսակցությունը: Սակայն, ի ուրախություն կենտրոնամետների, դա տեղի չի ունեցել:
Երրորդ տեղի զբաղեցրած Ֆրանսուա Օլանդի սոցիալիստները, ինչպես ենթադրվում է, տեղական օրգանների նկատմամբ կորցնում են վերահսկումը:
Նիկոլա Սարկոզին հայտարարել է, որ ֆրանսիացիները փոփոխությունների մեծ ցանկություն են արտահայտել:
Հասարակական կարծիքի արդյունքները ցույց են տվել, որ Սարկոզիի կենտրոնամետ կուսակցությունն այս ընտրություններում երկու անգամ ավելի շատ ձայներ է հավաքել, քան Ֆրանսու Օլանդի կողմակիցները:
Ընտրողներն առաջին անգամ ընտրում են ոչ միասնական թեկնածուի համար:
Ընտրություններին չեն մասնակցում երկրի երկու խոշորագույն քաղաքները՝ Փարիզը և Լիոնը: