Արաբական երկրները պայմանավորվել են տարածաշրջանային միասնական զինված ուժերի ստեղծման մասին, որն ուղղված է անվտանգության ոլորտում սպառնալիքի հակազդմանը: Այս մասին է ասվում Արաբական պետությունների լիգայի գագաթնաժողովի պատրաստած վերջնական նախագծում: Այն պետք է ընդունվի կիրակի օրը Շարմ-էշ-Շեյխում, բարձր մակարդակով անցկացվող հանդիպման արդյունքում, գրում է TASS-ը:
Դրանից բացի, համատեղ հայտարարության համաձայն՝ արաբները հոուսիտների շիա ապստամբներից կպահանջեն լքել Եմենի մայրաքաղաք Սանան և վայր դնել զենքը: Արաբական երկրներն աջակցել են Սաուդյան Արաբիայի գլխավորությամբ արաբական միապետությունների կողմից հոուսիտների դեմ սկսված «օրինականությանն, ինչպես նաև արաբական պետությունների ազգային անվտանգությանն ուղղված» ռազմական գործողությունները: