Լիմուզինի վարորդը կրկնակի դատի է տվել երգիչ Ջասթին Բիբերին, պնդելով, որ վերջինս վեց անգամ հարվածել է իր դեմքին, երբ հրաժարվել է ավտոմեքենայի սրահում երաժշտությունը ավելի բարձր միացնել: Այդ մասին գրում է RIA Novosti-ին:
Միջադեպը, որի տուժողը վարորդ Աբդուլ Մոհարն է, տեղի է ունեցել 1,5 տարի առաջ: Վարորդը պատմել է, որ տեղափոխել է վեց մարդուց բաղկացած խմբին Տորոնտոյի հյուրանոց գիշերային ակումբից: Ուղևորները նրան կոմպակտ դիսկ են տվել և պահանջել են բարձր երաժշտություն միացնել:
Մոհարը պնդում է, որ մերժել է ուղևորների խնդրանքը, քանի որ վախեցել է մագնիտաֆոնի անսարքությունից: Այդ ժամանակ ուղևորներից մեկը, որին վարորդը որպես Բիբեր է ճանաչել, մոտեցել է նրան ու բռունցքով հարվածել այտին: Երբ ավոտեմքենան կանգնել է հարձակվողը հարվածել է վարորդին ևս չորս կամ հինգ անգամ: Դրանից հետո ամբողջ խումբը լքել է ավտոմեքենան:
Վարորդը զանգահարել է 911, սակայն չի տվել հարձակվողի կոնկրետ բնութագիրը: Մասնավորապես, նա հայտարարել է, որ բոլոր հարձակվողները աֆրոամերիկացիներ են եղել: Ավելի ուշ Մոհարային տարել են ոստիկանական բաժանմունք, որտեղ նա ցուցմունք է տվել: Զրույցի համար հրավիրվել է նաև Բիբերի շրջագայությունների մենեջերը, ով իր համարից մեքենա է պատվիրել:
2013-ի դեկտեմբերին վարորդը փորձել է դատի տալ Բիբերին, սակյան մեղադրանքը հանվել է ապացույցների պակասի պատճառով, իսկ այս անգամ վարորդը հույս ունի երաժշտից ստանալ 850 հազար դոլար փոխհատուցում, ինչպես նաև դատական արգելք ստանալ, որի համաձայն երաժիշտը չի կարող իրեն մոտենալ 100 մետրից ավել: