ԱՄՆ բանակը հրահանգ է ստեղծել զինվորների համար` անվտանգության տեխնիկային հետևելու նպատակով, որը, մասնավորապես, խորհուրդ է տալիս դուռ չբացել օտարների առջև` գրոհայինների հնարավոր հաձակումից խուսափելու համար: Այս մասին գրում է The Washington Times-ը:
Հրահանգը տարածվել է այն բանից հետո, երբ ԴԱԻՇ-ին (Իրաքի և Շամի իսլամական պետություն) հարող ահաբեկչական խմբավորումը հրապարակել է 100 ամերիկացի զինծառայողների ցուցակը և հրամայել մահապատժի ենթարկել նրանց:
Հրահանգում մանրամասն նկարագրված է` ինչպես պաշտպանվել համացանցում: «Մտածեք գրառում թողնելուց առաջ: Միշտ հիշեք, որ աշխարհում յուրաքանչյուր ոք կարող է կարդալ այն կամ Twitter-ում ձեր հաղորդագրությունը, եթե նույնիսկ դուք դրա դիտումը սահմանափակեք միայն ձեր ընկերների ու հարազատների համար», ինչպես նաև «պարբերաբար դրվող լուսանկարները կարող են տալ ձեր և ձեր ընտանիքի հստակ պատկերը»:
Ինչ վերաբերում է տան անվտանգությանը` «նախքան դուռ բացելը, պետք է նայել դիտանցքից»:
