Ֆրանսիայի օդաչուների ազգային արհմիությունը հանդես է եկել ընդդեմ ուղևորատար ինքնաթիռի կառավարման սրահում «երկու մարդու կանոնի»՝ գրում է Le Soir-ը: Նման միջոցի անհրաժեշտության մասին հարցը բարձրացավ ֆրանսիական Ալպերում Germanwings ավիաընկերության A320 ինքնաթիռի կործանումից հետո: Ըստ հետաքննության տվյալների, երբ օդանավի անձնակազմի հրամանատարը դուրս էր եկել, երկրորդ օդաչու Անդրեաս Լյուբիցը փակվել է սենյակում և ինքնաթիռը ուղղել ներքև:
Դրանից հետո ավիացիոն անվտանգության եվրոպական գործակալությունը (EASA) հայտարարել է, որ ավելի լավ կլինի օդաչուի սենյակում երկու հոգու գտնվելու վերաբերյալ կանոն հրապարակել:
Ըստ արհմիության՝ վարչությունը նման կարծիքը շտապողական է համարել, քանի որ չի սպասել ավիավթարի պատճառների հրապարակմանը:
EASA-ը համարում է, որ օդաչուները միշտ պետք է իրենց տեղում լինեն և բացակայեն միայն ֆիզիոլոգիական կարիքները հոգալու համար:
Որոշ եվրոպական ավիաընկերություններ այս շաբաթ արդեն կանոն են դարձրել, որ երկու օդաչուներն էլ չպետք է բացակայեն իրենց սենյակից ողջ թռիչքի ընթացքում: