Ջենիֆեր Լոպեսը և Կասպեր Սմարթը չեն էլ մտածել բաժանվելու մասին: Այս մասին լրագրողներին պատմել է զույգին մոտ կանգնած աղբյուրը: Իրազեկ աղբյուրների տվյալներով՝ զույգի բաժանությունն ուղղակի PR-քայլ է, որը սիրահարները մտածել են կոնկրետ սցենարով, գրում է Spletnik.ru-ն:
Աղբյուրները հայտնել են, որ Լոպեսն այս անգամ փորձել է առաջ տանել իր մասնակցությամբ «Երկրպագու» ֆիլմը: Ինչպես գիտենք, ցանկացած նախագիծ հետաքրքիր է դառնում, եթե գլխավոր դերակատարների միջև սիրային հարաբերություններ են սկսվում: Այնպես որ, պատահական չէ, որ ֆիլմի պրեմիերայից առաջ Լոպեսը «պատահմամբ» 27-ամյա Ռայան Գուզմանի հետ միասին հայտնվում էր տեսախցիկների առջև:
Հենց այդ պատճառով էլ, աղբյուրների տվյալներով, Լոպեսը «բաժանվել» է Սմարթից: Ընդ որում՝ «բաժանումից» հետո նրանց բազմիցս միասին են նկատել, նրանք նույնիսկ պատրաստվել են միասին անցկացնել արձակուրդները:
Իսկ վերջին շրջանում Կասպերն ու Լոպեսն արդեն բացահայտ միասին հայտնվում են նաև հասարակական արարողություններին:
