Yahoo! Inc. ինտերնետ-ընկերության տնօրենների խորհուրդը հաստատել է 2 մլրդ դոլար ծավալի բաժնետոմսերի հետգնման նոր ծրագրի թողարկումը: Այս մասին հայտնում է vestifinance.ru-ն:
Yahoo!-ի հաղորդագրության համաձայն՝ այդ ծրագրի շրջանակներում բաժնետոմսերի հետգնումը կիրականացվի մինչև 2018 թ. մարտի 31-ը:
Ընկերությունը դեռ բաժնետոմսերի հետգնման գործող ծրագրի 726 մլն դոլարը չի ծախսել:
Բաժնետոմսերի հետգնումը Yahoo!-ի ղեկավարության ռազմավարության մաս է՝ կոչված մեծացնելու բաժնետերերի եկամուտները:
Yahoo!-ն մտադիր է չինական Alibaba Group-ում իր բաժինը հատկացնել անկախ ընկերության, որը կկոչվի SpinCo և կլինի Alibaba-ի ընդհանուր մոտ 40 մլրդ դոլարի 384 մլն բաժնետոմսերի տերը:
SpinCo-ի բաժնետոմսերը կբաշխվեն Yahoo!-ի բաժնետերերի միջև: Միաժամանակ, Alibaba-ում բաժնի առանձնացումը Yahoo!-ից հարկերի վճարում չի պահանջի:
ԱՄՆ-ում ամենաշատ այցելվող վեբ-պորտալներից մեկի տեր ինտերնետ-ընկերության արժեթղթերը հինգշաբթի թանկացել են 0,4%-ով: