Թատրոնի համաշխարհային օրը սահմանվել է 1961-ին՝ Թատրոնի միջազգային ինստիտուտի (International Theatre Institute, ITI) IX կոնգրեսի կողմից: Այն ամեն տարի մարտի 27-ին նշվում է ITI կենտրոններում և թատերական միջազգային հասարակությունների կողմից՝ գրում է Calend-ը:
Թատրոնի միջազգային ինստիտուտի գործունեությունն ուղղված է «ժողովուրդների միջև խաղաղության և բարեկամության ամրապնդմանը, աշխարհում բոլոր թատերական գործիչների ստեղծագործական համագործակցության ընդլայնմանը»:
Առաջին միջազգային ուղերձը՝ ի պատիվ Թատրոնի համաշխարհային օրվա, գրվել է 1962-ին՝ ֆրանսիացի գրող և նկարիչ Ժան Կոկտոյի կողմից:
